Kota serombotan

Olih: Ni Kadek Juliani

Kota semarapura pinaka Kota serombotan

Serombotan wantah ajengan khas ring klungkung

Sane ngawinang semarapura kasambat kota serombotan

bayem, kangkung, kecambah, tuung

Kajangkepang dados siki

Kaimbuhin saur manis tur basannyane

Punika sampun serombotan

Makeh pisan pabinayan nyane nanging kajangkepang dados asiki

Tur kaimbuhin rasa sane ngawinang manis tur lengut

kota serombotan

madue suksman sane luih

nenten ja kota sane kaloktah krana ngadol serombotan kemanten

sakemaon kota sane ngutamayang rasa

rasa bhineka tunggal ika

sapunapi ja pabinayan iraga

pastika tetep asiki nenten mapalasan

kota serombotan..

kota sane nulad suksman saking ajengan serombotan

Sane ngawinang pabinayan sami prasida jangkep dados asiki

Nyangkepin kakirangan tur kalewihan sane wenten ring jagate puniki

Tur ngawinang iraga madue rasa masemeton

Yening sampun asapunika

Kota semarapura pinaka kota serombotan

Sane nulad tur ngutamayang rasa bhineka tunggal ika

Pastika nemu kerahayuan tur shanti jagadhita

Klungkung, 12 Maret 2017